Nur no weenig Sekunde, alli stöhn barat mit dr Larve uff em Kopf und em lüüchtende Kopfladäärnli, d Schleegel und d Piccolo in de Finger - do foht dr Dambuurmajor aa: "Morgestraich - vorwärts - Marsch!" - und juscht denne goht s Liecht ab und d Stadt Basel erwacht zum Lääbe.

Es isch Fasnacht!!! Wieder so richtig Fasnacht, mit allem Drum und Dra. Frau Fasnacht, mir hänn di vermisst!!!

Im Fasnachts-Brogramm gsehsch, wo mir underwägs sin...

Unglaublig, wie schnäll d Zyt vergoht - grad erscht hetts no Vieri gschlaage am Mäntygmorge, und jetz hetts scho wieder Vieri gschlaage, aber laider am Donnschtygmorge. Die drey scheenschte Dääg sin verby, aber s pfyfft und ruesst no immer in uns drinne und in de Ohre... S Fasnachtsfieber isch immer no do, wird nit vergoh und losst uns uff dr Bummel freye.

Danggscheen Frau Fasnacht, scheen, bisch wieder bi uns gse!

Am Frytig, 3. März und Samschtig, 4. März 2023 findet uf em Barfi die 1. Lektion statt. Fasnacht für alli zum Kennelehre und Usprobiere! jetzt-fasnacht.ch (Fr. 13.00 –17.00 Uhr, Sa. 11.00 –16.30 Uhr)

Wotsch bi uns mitmache? Denn kumm doch ans Yyschriibe. Du findsch uns am Samschtig, 11. Merze 2023, vom Zwei bis am Vieri uf em Barfi. Mir freye-n-is uf di!

Ändlig isch es wieder soywt - e isch Fasnachtszyt! Nur no weenig Stunde ab dr Vernissaasch am Sunntyg, 18. Hornig, ab de Fimfe zoobe, und denn haissts wieder "Morgestraich - vorwärts - Marsch"! Aber zerscht dien mir unsere Lambbe yypfyffe und fraye-n-ys, dass mir se das Joor wieder in unserne Reihe hän und si uns dr Wäg lüchtet...

Im neye Glygge-Käller sin mir jetz scho e weeneli "dehaime" und au an neye Yyweihigsblatz und die neyi Yypfyff-Route hänn mir uns scho gweehnt.

Im Fasnachts-Brogramm gsehsch, wo mir underwägs sin...

Nach zwei wunderscheene Dääg mit Morgestraich, Cortège und em freye Gässle isch es scho Mittwuch und mir gniesse d Fasnacht in vollem Umfang. S Wätter stimmt, d Lüt am Stroosserand sin fasziniert und mir schwebe in dr Fasnachts-Glückseeligkait. Die kommende Stunde gniesse mir wie wenns grad kurz vorm Morgestraich wär... 

Fir alli Intressierte - unsere Zeedel gits au als gsprocheni Version. Derzue aifach dr QR-Code vom Zeedel scanne - oder do uff dr Link klicke. Vill Vergniege.

Im Fasnachts-Brogramm gsehsch, wo mir underwägs sin...