Bummel 2016

Und scho isch es laider wieder verbii - d'Fasnacht für die Jungi Garde isch umme. Mit em Bummel isch no s'letschte Stüggli Fasnacht verbii gange.

Glatt hän mirs gha - genial würd ich sogar sage!

Nach eme Quiz und eme Morgespaziergang durch d'Lange Erle sind mir sälber go koche und d'Bummelaahänger go baschtle - ganz nach unserem diesjährige Sujet (self-scanning, self-checkout). Feins hetts z'Ässe gäh. E prächtige Apéro mit allerlei verschiedene Häppli (Kresse-Mascarpone-Brötli, Eier-Canapées, Lachs-Brötli, Thonmousse-Brötli etc., etc.). Denn hetts e Spaghetti-Buffet mit verschiedene Soossene und feine Salat gäh und zum Dessert Fruchtsalat und Brownies. Alles sälber gmacht, wohl gmerkt!

Nach däre grosse Arbet hän mir denn könne im Party-Trämli abfyyre - bis mer z'Oobe denn durch d'Gasse vo unserer gliebte Stadt bummlet sin.

Wunderbar isch es gsi!