• Stamm
  • Jungi
  • Cliquenkeller
  • Home
  • Über uns
    • Vorstand
    • Geschichte
    • Drummle und Pfyffe
    • Repertoire
    • Instruktoren
  • Medien
    • Blog
    • Bilder
    • Minibook
    • Schnipp-Schnapp
    • Downloads
    • Dr Rootsbueb und dr Waggis
    • Ladärnli
  • Kontakt
    • Kontakt Obfrau
  • Events
    • Events
    • JETZT
    • Kalender
  • Startseite
  • Home
  • Jungi
  • Home
14 Mär2019

Fasnachts-Mittwuch 2019

Starte dien mir dr zweiti Cortège-Daag bi schönschtem Sunneschyyn. Doch das Joor ischs Wätter rächt unberächebar. Erscht kurz uff dr Route foots wieder a rägne. Nichtsdestotrotz zien mir unseri Rundene bi viele Zueschauer duure. D'Sunne kunnt jo denn au bald wieder füüre. 

Als Überraschig wärde die Junge zu mene Apéro im Loge-Clique-Käller yyglaade! Das hänn sie denn gnosse!

Nach em zNacht isch dr Stamm die Junge bi dr Peterskirche go abhoole. Denn hett me gässlet und d'Fasnachtsstimmig gnosse! 

D'Ladäärne isch eimool mehr uff em Seibi verabschiiedet worde und als wyyteri Überraschig sin d'Basler Unikate de Junge no e Ständeli go bringe wo so richtig gfäggt hett! Danke!

Danke do wieder allne, wo die Fasnacht für die Junge möglich gmacht hän (vo dr Sujetobfrau über d'Begleitpersone, Organisatore vo z'Morgeässe und zVieri etc.!)

Und no zum Sujet passend: Dr modisch Schrittzeller vo dr Tochter uss dr Generation Z hett z'Oobe 20'717 Schritt aazeigt. Über die ganzi Fasnacht hett sie so über 60'000 Schritt gmacht! Und my Brueder (zur Erinnerig: Generation Y) hett immer non kai Instagram-Account!

 

12 Mär2019

Fasnachts-Mäntig 2019

Nach em wunderbare Morgestraich isch es am Nommidaag wieder, zerscht bi schönschtem Wätter, wyter gange. In dr zwaite Rundi uff em Cortège sin die Junge in dä ungmietligg Hagelsturm koh. Sie hänns zum Glück alli guet überstande und nach eme luschtige zNacht mit de obligate Lüüchtstäbli isch scho dr Gotti-/Götti-Halt uff em Programm gstande. Jedes Mitglied vo dr Junge Garde hett e Gotti oder e Götti bim Stamm. Die lade ihr Gotti-/Götti-Kind denn zu eme zDringge yy.

Denn no ei Rundi und dä schön erscht Fasnachtsdaag isch für die meischte Junge scho verbii gsi. Die grössere sin den mit em Stamm no durch d'Strosse gässlet.

... und übrigens: myni Tochter, Generation Z, hett am erschte Fasnachtsdaag saage und schrybe 31'582 Schritt uff ihrem Schrittzeller aazeigt ka - das sin nach Adam Riese (dSchritt vom Morgestraich abzoog) 19'739 Schritt am Cortège inkl. Mäntig Oobe - aber das zeigt das Wundergrätli nodürligg nid separat aa. :-)... und my Brueder, Generation Y, will immer noonig Xnstagram biidrädde.

 

11 Mär2019

Morgestraich 2019

Gemäss unserem Sujet "X, Y, Z... was kunnt denn jetzt?" hett d'Tochter e xitxit aa (um kai Wärbig z'mache sind die wichtige Buechstabe mit eme "x" ersetzt). Sie ghört zur Generation Z und weiss denn nach em Morgestraich, dass sie 11'843 Schritt gmacht hett. Dodrmit wärs Tagesziel erreicht, d'Uhr zeigt a, gnueg Kalorie für hütt verbrennt!

My dütligg jüngere Brueder, e Aaghörige vo dr Generation Y, hett uns hütt bim z'Morge byychtet, dass er kein Xnstagram het. Dört isch aber ganz aktuell vo unserem Medieverantwortliche e Bild vom Morgestraich uffeglade worde - und ich, e Generation X-Kind, weiss au nüd bessers als nach em Morgestraich d'Websiite z'aktualisiere. Aber das mach ich vor allem für mini Kinder.. :-)

Dr Xhats-App Chat lauft heiss... wo im Internet in dr Präss sin scho Föteli vo unserer Lampe druff? "Guet gsehts uss!" Unsere dasjöhrigi hammer Zeedel bringt genau das uff e Punggt - läset ihn, es ischs drwärt!

De Social Media-Kanääl und dr ganze Technik zum Trotz - am Morgestraich bruuchts nüd söttigs. S'Gfüühl, wenn's Vieri schloot und s'Liecht löscht, dr Major aasait: "Rootsheere, Moorgestraich, Vorwärts, Marsch!" denn lauft eim e Kribble dr Rugge ab - denn wirds eim warm ums Härz! So ischs richtig - so isch Fasnacht!

das isch gsii, kurz bevors Vieri gschlaage hett - Spannig liggt in dr Luft!

 

20 Jan2019

s'Rootsheerli 2019

Das s'Rootsheerli kam auch dieses Jahr wieder gut an, bei Teilnehmern/Teilnehmerinnen wie auch bei den Zuschauern. Der Stammverein eröffnete unsere Vorfasnachtsveranstaltung. Danach zeigten uns die Schülerinnen und Schüler der Jungen Garde, was sie bislang in diesem Cliquenjahr auf ihren Instrumenten gelernt haben. Das war von der Tonleiter der A-Fänger Pfeiffer, dem Morgestraich der A-Fänger Tambouren, über den Arabi bis zum neusten Marsch "Unggle Sam", welcher aber ganz kurzfristig (Absprache zwischen den Tambouren und Pfeifern des Spiels vor dem Auftritt) in ein Medley verpackt wurde. Dazwischen wurden Bilder und kleine Filmausschnitte der Anlässe des ganzen Cliquenjahres gezeigt (von dem letztjährigen s'Rootsheerli, den Marschübungen über die Fasnacht, den Bummel, Frühlingsplausch, Mässbummel usw.).

Es war ein voller Erfolg und zufrieden mit sich und der Fasnachtswelt gingen alle wieder nach Hause.

10 Mär2019

Ladäärne-Ypfiffe 2019

Und ändligg isch es so wyt. Lang hän mir daas Joor druff gwartet! Morn, wenns Vieri am Morge schloot föön sie aa, unseri drey scheenschte Dääg!

Hütt hän mir wie allewyyl unseri Lampe-Vernissage kah uff em Petersplatz. Bi schönem Sunneschyyn isch d'Vernissage gstartet und hett unseri dasjöörige Lampene im beschte Liecht präsentiert. Aber s'Wätter hett grad e Mol zeigt wie's das Joor so könnti laufe. Es hett ys denn alli schön verschüttet und denn wieder ufftoo, um bim Ypfiffe denn wieder los z'lege.

Aber das isch ys alles glyych, denn lang hän mir wieder uff die schöne Momänt und tolle Dääg bangt! Jetzt könne sy koo!

 

 

 

 

28 Dez2018

Alles gute im Jahr 2019

Wir hoffen Ihr habt alle schöne Weihnachtstage verbracht. Für das neue Jahr wünschen wir Euch alles Gute, dass alle immer schön viel üben :-) und wir eine tolle Fasnacht, gut besuchte Events und viel Spass zusammen haben!

Der nächste Anlass ist s'Rootsheerli. Wir freuen uns auf Euer aller Kommen. Neben einem Jahresrückblick (Fotos/Videos von den verschiedenen Anlässen) präsentieren unsere Jungen ihr Können. Wir sind sehr gespannt und erwarten Euch alle in unserem Cliquenkeller!

 

  • Start
  • Zurück
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • Weiter
  • Ende

anstehende Termine Jungi

Login Form

  • Passwort vergessen?
  • Benutzername vergessen?
  • Home
  • Über uns
    • Vorstand
    • Geschichte
    • Drummle und Pfyffe
    • Repertoire
    • Instruktoren
  • Medien
    • Blog
    • Bilder
    • Minibook
    • Schnipp-Schnapp
    • Downloads
    • Dr Rootsbueb und dr Waggis
    • Ladärnli
  • Kontakt
    • Kontakt Obfrau
  • Events
    • Events
    • JETZT
    • Kalender