Fasnachts-Mäntig 2019

Nach em wunderbare Morgestraich isch es am Nommidaag wieder, zerscht bi schönschtem Wätter, wyter gange. In dr zwaite Rundi uff em Cortège sin die Junge in dä ungmietligg Hagelsturm koh. Sie hänns zum Glück alli guet überstande und nach eme luschtige zNacht mit de obligate Lüüchtstäbli isch scho dr Gotti-/Götti-Halt uff em Programm gstande. Jedes Mitglied vo dr Junge Garde hett e Gotti oder e Götti bim Stamm. Die lade ihr Gotti-/Götti-Kind denn zu eme zDringge yy.

Denn no ei Rundi und dä schön erscht Fasnachtsdaag isch für die meischte Junge scho verbii gsi. Die grössere sin den mit em Stamm no durch d'Strosse gässlet.

... und übrigens: myni Tochter, Generation Z, hett am erschte Fasnachtsdaag saage und schrybe 31'582 Schritt uff ihrem Schrittzeller aazeigt ka - das sin nach Adam Riese (dSchritt vom Morgestraich abzoog) 19'739 Schritt am Cortège inkl. Mäntig Oobe - aber das zeigt das Wundergrätli nodürligg nid separat aa. :-)... und my Brueder, Generation Y, will immer noonig Xnstagram biidrädde.

 

Morgestraich 2019

Gemäss unserem Sujet "X, Y, Z... was kunnt denn jetzt?" hett d'Tochter e xitxit aa (um kai Wärbig z'mache sind die wichtige Buechstabe mit eme "x" ersetzt). Sie ghört zur Generation Z und weiss denn nach em Morgestraich, dass sie 11'843 Schritt gmacht hett. Dodrmit wärs Tagesziel erreicht, d'Uhr zeigt a, gnueg Kalorie für hütt verbrennt!

My dütligg jüngere Brueder, e Aaghörige vo dr Generation Y, hett uns hütt bim z'Morge byychtet, dass er kein Xnstagram het. Dört isch aber ganz aktuell vo unserem Medieverantwortliche e Bild vom Morgestraich uffeglade worde - und ich, e Generation X-Kind, weiss au nüd bessers als nach em Morgestraich d'Websiite z'aktualisiere. Aber das mach ich vor allem für mini Kinder.. :-)

Dr Xhats-App Chat lauft heiss... wo im Internet in dr Präss sin scho Föteli vo unserer Lampe druff? "Guet gsehts uss!" Unsere dasjöhrigi hammer Zeedel bringt genau das uff e Punggt - läset ihn, es ischs drwärt!

De Social Media-Kanääl und dr ganze Technik zum Trotz - am Morgestraich bruuchts nüd söttigs. S'Gfüühl, wenn's Vieri schloot und s'Liecht löscht, dr Major aasait: "Rootsheere, Moorgestraich, Vorwärts, Marsch!" denn lauft eim e Kribble dr Rugge ab - denn wirds eim warm ums Härz! So ischs richtig - so isch Fasnacht!

das isch gsii, kurz bevors Vieri gschlaage hett - Spannig liggt in dr Luft!

 

Alles gute im Jahr 2019

Wir hoffen Ihr habt alle schöne Weihnachtstage verbracht. Für das neue Jahr wünschen wir Euch alles Gute, dass alle immer schön viel üben :-) und wir eine tolle Fasnacht, gut besuchte Events und viel Spass zusammen haben!

Der nächste Anlass ist s'Rootsheerli. Wir freuen uns auf Euer aller Kommen. Neben einem Jahresrückblick (Fotos/Videos von den verschiedenen Anlässen) präsentieren unsere Jungen ihr Können. Wir sind sehr gespannt und erwarten Euch alle in unserem Cliquenkeller!

 

Ladäärne-Ypfiffe 2019

Und ändligg isch es so wyt. Lang hän mir daas Joor druff gwartet! Morn, wenns Vieri am Morge schloot föön sie aa, unseri drey scheenschte Dääg!

Hütt hän mir wie allewyyl unseri Lampe-Vernissage kah uff em Petersplatz. Bi schönem Sunneschyyn isch d'Vernissage gstartet und hett unseri dasjöörige Lampene im beschte Liecht präsentiert. Aber s'Wätter hett grad e Mol zeigt wie's das Joor so könnti laufe. Es hett ys denn alli schön verschüttet und denn wieder ufftoo, um bim Ypfiffe denn wieder los z'lege.

Aber das isch ys alles glyych, denn lang hän mir wieder uff die schöne Momänt und tolle Dääg bangt! Jetzt könne sy koo!

 

 

 

 

Mässbummel 2018

Die Junge Garde war am Dienstag auf ihrem traditionellen Mässbummel. Gemeinsam streiften wir über den Messeplatz, durch die 80-er Jahre Halle und noch über die Rosentalanlage. Jede und jeder konnte dabei auf die Bahnen gehen auf die er oder sie wollte. Zwei, drei Bahnen sind nun schon Tradition - da gehen immer ganz viele darauf. Diese Seitwärts drehende Bahn liess der Bahnbetreiber für unsere Jungen nochmals laufen und nochmals laufen und nochmals... sie genossen es sehr! Auch die "Botschautos" dürfen natürlich nicht fehlen. Alle genossen es sehr - einmal mehr!